Astana Motorsports «Dakar» kezeńinde úshinshi boldy
ASTANA. QazAqparat - «Astana» Prezıdenttik klýbynyń Astana Motorsports komandasy «Dakardyń» úshinshi kezeńin aıaqtady, dep habarlaıdy QazAqparat.
Osy kezeńde jeńil kóliktegi ekıpaj quramyndaǵy Denıs Berezovskıı men shtýrman Alekseı Nıkıjev óz sanattarynda úshinshi oryndy ıelendi.
Júk kóligimen júıitkigender arasynda Artýr Ardavıchýs, shtýrman Alekseı Nıkıjev pen mehanık Maıkl Hıýsman atalǵan kezeńde máre syzyǵyn 19-shy bolyp qıyp ótti.
Eske sala keteıik, «Dakardyń» úshinshi kezeńi Argentına aýmaǵy boıynsha ótedi. Qatysýshylar 800 shaqyrymǵa jýyq qashyqtyqty eńserdi. Bastapqyda, ózen aǵyp jatqan jáne tasty jerlerdegi qozǵalys ekıpaj músheleriniń erekshe sheberligin talap etti.
«Astana» Prezıdenttik klýbynyń ókili Denıs Berezovskıı jolda kezdesken kedergilerdi eńserý qıyndyq týyndatqanyn, degenmen de, ekıpaj músheleri mashınany saqtap qalýǵa qaýqarly bolǵanyn atap ótti.
Artýr Ardavıchýstiń basshylyǵymen qatysap jatqan júk kóligi ekıpajyna búgingi kezeń ońaı bolǵan joq, sebebi oǵan kóliktiń keıbir bólshekteriniń tıisti deńgeıde úılestirilmeýi áser ótti. Mashınanyń amortızatorlary jyldam júretin jáne qatty jolǵa eseptelip rettelgen eken. Al is júzinde tasty ýchaskeler kóliktiń jyldam qozǵalysyna múmkindik bermedi. Ekıpaj bul kezeńdi 19-shy bolyp aıaqtap, júk kólikteriniń jalpy esebinde 17-shy oryndy aldy.
Búgin «Dakar» ekstremaldyq rallı-marafonynyń tórtinshi kezeńi San-Salvador-de-Jýjýıdan (Argentına) Týpısýǵa (Bolıvııa) qaraı jerden ótedi. Bul joldyń jalpy qashyqtyǵy 521 shaqyrymdy quraıdy.
