Astana Motorsports Álem Kýbogynyń bastapqy kezinde úzdik ondyq qataryna endi
ASTANA. QazAqparat - Rallı-reıdten Abu Dhabi Desert Challenge 2014 jarysynyń alǵashqy kezeńinde qazaqstandyq Astana Motorsports komandasynan birden eki ekıpaj ondyqqa endi.
Bul týraly sports.kz. habarlaıdy.
Alǵashqy kezeńniń uzyndyǵy onsha kóp emes - 2 shaqyrym, degenmen jarystyń alǵashqy kúnindegi bastapqy kezeńdegi avtomobılderdiń yńǵaıly ornalasýynyń da máni zor, dep habarlady Astana Motorports baspasóz qyzmeti.
Sóıtip, búgin MINI All4 Racing avtomobılinde quramynda Aıdyn Rahymbaev pen shtýrman Anton Nıkolaev bar ekıpaj jarys jolyna ekinshi bolyp shyǵady, al Baýyrjan Isabaev pen shtýrman Vladımır Demıanenko Toyota Hilux avtomobılinde segizinshi bolmaq.
Qatysýshylardy aldyn ala brıfıngige shaqyryp, uıymdastyrýshylar jarys tártibimen jáne qaýipsizdikti qamtamasyz etetin stıýardtarmen, qutqarýshylarmen jáne eriktilermen tanystyrdy. Sondaı-aq uıymdastyrýshylar ekologııalyq tártipti saqtaýdy da eskertti - jol boıynsha paıdalanylǵan shınalar men qosalqy bólshekter sııaqty qoqystar tastap ketkenderge aıyppul salynbaq. Sondaı-aq shabandozdardy jergilikti salttardy qurmetteýge úndedi. Jarys jolynda kóptegen túıe fermalary bar, sondyqtan da jaıylymda júrgen «shól kemeleri» joldy kesip óter bolsa, abaı bolýǵa shaqyrdy.
Búgin rallı shabandozdary Abu Dhabi Desert Challenge jarysynyń 408 shaqyrymdyq birinshi kezeńin júrip ótpek.
