«Astana-motors» jáne «Hyundai-motors» Qazaqstanda júk kólikterin qurastyrý óndirisin iske qosýǵa nıetti
Bul týraly búgin Astanada ótken on-laın konferentsııa barysynda QR Úkimet basshysynyń orynbasary-ındýstrııa jáne jańa tehnologııalar mınıstri Áset Isekeshev málim etti, dep habarlaıdy QazAqparat.
Elbasynyń Ońtústik Koreıaǵa sapary barysynda eki memorandýmǵa qol qoıylǵanyna toqtalǵan mınıstr, atap aıtqanda «Agromashholdıng», «Allıýr Avto» jáne «Ssang Young» kompanııalary mashına jınaý boıynsha tıisti jumystardy atqaryp jatqandyqtaryn jetkizdi.
«Astana-motors» jáne «Hyundai-motors» kommertsııalyq júk tehnıkasyn jınaqtaý jumystaryn jolǵa qoıýǵa nıetti. Mundaı jobalar is barysynda bar jáne aldaǵy ýaqytta bola bermek. Alaıda, olar Indýstrııalandyrý kartasy men mashına qurylysy baǵdarlamasynda ázirge joq. Sondyqtan naqty faktiler týraly ázirge aıtylmaıdy»,-dedi Á. Isekeshev.
«Árıne, usynystar kóp jasalady. Biraq Indýstrııalandyrý kartasy men mashına qurylysy baǵdarlamasyna engen jobalar aıtarlyqtaı sapaly bolady»,-dedi mınıstr.
