«Astana motors» pen CHERY yntymaqtastyq kelisimge keldi
NUR-SULTAN. QazAqparat - Qazaqstandyq «Astana Motors» kompanııasy men qytaılyq avto óndirýshi Chery Automobile Co., Ltd yntymaqtastyq kelisimge keldi. Bul qujat First Motor Group-qa Chery brendin Qazaqstanda usyný úshin resmı dıstrıbıýtor quqyǵyn beredi.
Resmı qol qoıý rásimi Almaty (Qazaqstan) men Ýhý (Anhoı, QHR) qalalary arasyndaǵy telekópir formatynda ótti.
Osylaısha, Chery «Astana Motors» kompanııasynyń on úshinshi brendi, jetinshi dıstrıbıýtory.
«Intellektýaldy avtokólik óndirýshisi retinde búkil álem moıyndaǵan qytaılyq Chery brendin Qazaqstanda qarsy alyp, usynamyz. Chery Automobile óndiriste tehnologııany damytý boıynsha revolıýtsııalyq kezeńdi ótkerip, ınnovatsııalyq salada dúnıejúzilik avtokólik mamandary erekshe qyzyǵýshylyq bildiretin jetistikter kórsetip keledi. Biz jahandyq damý strategııasy aıasynda kompanııanyń Qazaqstandaǵy órshil josparlaryn iske asyrýǵa tıispiz», - dedi« Astana Motors» kompanııasynyń Bas dırektory Beknur Nesipbaev.
«Búkil álem boıynsha Chery kólikterin tańdaýshylar sany artyp keledi. Qazaqstan - Ortalyq Azııadaǵy eń perspektıvaly naryq, al «Astana Motors» - kásibı komandasy men mol tájirıbesi bar Qazaqstannyń jetekshi avtokólik kompanııasy. Biz Chery men «Astana Motors» arasyndaǵy yntymaqtastyqtyń bolashaǵy zor dep oılaımyz. Ekijaqty jumysta sáttilik tileımin», - dedi Chery International Prezıdenti Djang Gýıbın myrza.
Qytaıdyń eń iri avtomobıl óndirýishsi Chery Automobile kompanııasy 1997 jyly qurylǵan. Búginde búkil álem boıynsha 6 avtomobıl zaýyty men 11 qurastyrý zaýyty jumys istep tur. Sonymen qatar óziniń ǵylymı zertteýler men jumystar júrgizetin zerthanasy, bes ǵylymı-zertteý bazasy bar. Innovatsııa salasyndaǵy qarqyndy damýynyń arqasynda kompanııa «tehnologııalyq Chery» degen atpen tanymal.
Kompanııa qytaılyq avtomobılderdiń eksporty boıynsha 18 jyl qatarynan kóshbasshy, óz kólikterin álemniń 80-nen astam eline jiberedi. Sońǵy jyldary eksport kólemi 100%-dan asty, bul kompanııa úshin rekordtyq nátıje.
Jaqyn ýaqytta Nur-Sultan men Almaty qalalarynda Chery dılerlik ortalyqtary jumys isteı bastaıdy. Al 2023 jyly olardyń sany 17-ge deıin artady dep josparlanýda.
Elimizdegi Chery brendi týraly tolyǵyraq aqparatty táýlik boıy jumys isteıtin «Astana Motors» baılanys ortalyǵynan 7007 telefony boıynsha bilýge bolady.
