Astana Motors kóshbasshysy Ardavıchýs Ispanııadaǵy jarysta jeńiske jetti (FOTO)
ASTANA. QazAqparat - Astana Motors komandasynyń kóshbasshysy Artýr Ardavıchýs Ispanııadaǵy FIA álem kýbogynyń 6-shi kezeńinde jeńiske jetti, dep habarlady kompanııanyń baspasóz qyzmetinen.
A.Ardavıchýs júk kólikteri sanatynda absolıýtti chempıon atandy, onyń ekıpajy jarystyń úsh kúninde de máre syzyǵyn birinshi kesti. «Baha Ispanııa Aragon» jarysy 18-20 shilde aralyǵynda ótken bolatyn.
«Baha Ispanııa Aragon» jarysy tarıhynda alǵash ret Qazaqstan komandasy jeńiske jetip otyr. Bul jeńis bizderge ońaı kelgen joq. Jarys qashyqtyǵynyń qysqa bolǵandyǵyna qaramastan baǵdar óte aýyr tıdi. Degenmen biz elimizdi laıyqty deńgeıde pash etip, Qazaqstanǵa jeńis syılaǵanymyzǵa qýanyshtymyz», - dedi «Astana» prezıdenttik kásibı klýbynyń ókili Artýr Ardavıchýs.
Endigi ýaqytta Astana Motorsports komandasy Álem kýbogynyń kelesi kezeńine daıyndyqty bastamaq.
