Astana modeli Italııadaǵy baıqaýda birinshi oryn aldy
ASTANA. 28 maýsym. QazAqparat - Astanadaǵy OK-models modeldik agenttiginen Ekaterına Zaharchýk FiestaloniaFASHION halyqaralyq sán baıqaýynyń jeńimpazy atandy, dep habarlaıdy uıymdastyrýshylar.
Baıqaý maýsymnyń 16-nan 23-ne deıin Italııadaǵy Adrıat jaǵalaýynda ótti.
Baıqaýǵa qatysqan modelder Denny Rose jáne Miss Bikini-diń jańa maýsymdyq toptamalaryn kórsetti. Kórsetýler jaǵalaýdyń elıtalyq klýbtarynda uıymdastyryldy.
Oǵan Italııadaǵy «sán ómirin» jarııalaıtyn kóptegen tanymal jýrnalıster, sondaı-aq tanymal sán úıleriniń ıtalıandyq skaýttary shaqyryldy.
Baıqaýdyń árbir qatysýshysy COSMOPOLITAN-Italııa resmı fotografynan jeke býgyn, toptamalardy kórsetýge resmı qatysqanyn rastaıtyn sertıfıkattardy, Fiestalonia International dıplomdaryn, sondaı-aq memlekettik blankterdegi alǵys hattaryn aldy.
Birneshe modeldiń agentterdiń nazarlaryna ilikkenin atap ótý kerek, bul olarǵa bolashaqta tanymal ıtalıandyq sán úılerimen jumys kelisim-shartaryn jasaýǵa múmkindik beredi.
Jańadan bastap kele jatqan modelderdiń kelesi baıqaýy Italııada 2013 jyldyń 15-22 maýsym kúnderi ótedi.
