«Astana meıirimdi jandar klýby» onkologııalyq naýqas balany Tımatımen kezdestirdi

ASTANA. QazAqparat - Áleýmettik jeli paıdalanýshylarynyń kómeginiń arqasynda onkologııalyq aýrýdan emdelip jatqan Oleg Qosmanbetov reseılik reper Tımatımen kezdesti. «Meıirimdi jandar, onkologııadan Oleg esterińizde me? Oǵan Tımatıdiń kontsertine bılet syıǵa tartyldy.

Boıjetken oǵan kontsertke jomart jandardardyń biri bılet alyp berýin ótingen. Al maǵan sahnada Tımatı Olegke dertinen jyldam aıyǵyp ketýin tilese degen oı keldi. Biraq bári odan da jaqsy boldy. Oleg óziniń súıikti ánshisimen kezdesti. Qatty qýanyshtymyn... sharaǵa qatysqandardyń barlyǵyna rahmet! Meıirimdi jandar - sizderge alǵys! Biriksek úlken kúsh bolamyz!» - dep habarlady Instagramdaǵy akkaýntta @club_dobryakov_astany.

Budan buryn meıirimdi jandar klýbynyń habarlamasynda Astanaǵa emdelýge kelýi tıis Oleg jaıly aıtylǵan. Oǵan meıirimdi jandardyń biri ony kútip alyp, Ana men bala ortalyǵyna aparý kómegi qajet bolǵan. Akkaýntqa jazylýshylardyń ishinen oǵan kómek qolyn sozatyn jandar tabyldy.