«Astana - meıirimdi qala» aktsııasy sheńberinde 3000-nan asa adamǵa kómek kórsetildi
«Esil» aýdany ákiminiń apparaty 1 jeltoqsannan beri 800 adamdy qamtyǵan, bul - asyraýshysynan aıyrylý boıynsha járdemaqy alýshylar. Olar úshin azyq-túlik jınaqtary daıyndaldy. Kele jatqan Jańa jyl merekesine oraı sebetke birinshi qajettilik taýarlarynan basqa, mandarın, banan, irimshik, shujyq jáne shaıǵa tátti-dámdi salyndy. Aktsııa ótetin ýaqytta az qamtylǵan, kóp balaly otbasylar qatarynan taǵy 30 adamǵa aýdandaǵy uıymdar qaıyrymdylyq kómek kórsetti.
«Almaty» aýdany ákimdiginiń málimetinshe, «Astana - meıirimdi qala» aktsııasy sheńberinde saıası qýǵyn-súrgin qurbandaryna kómek kórsetildi, barlyǵy 1000-ǵa jýyq adam qamtyldy. Sharaǵa bıznes qoǵamdastyq, aýdandaǵy 35 jalpy bilim berýshi mektep men merdiger uıymdary qatysty.
«Saryarqa» aýdany boıynsha 1350 otbasyǵa kómek kórsetildi. Sonyń ishinde 10 otbasyǵa qatty otyn, 10 otbasyǵa - qurylys materıaldary, 1320 adamǵa azyq-túlik ónimderi jetkizildi.
Eske salsaq, elorda ákimdigi muryndyq bolǵan «Astana - meıirimdi qala» aktsııasy jeltoqsan aıynyń basynda bastalyp, 31-shi jeltoqsanda máresine jetedi.