Astana meshitterinde Oraza aıt namazy erteń saǵat 6.30-da oqylady
ASTANA. 7 tamyz. QazAqparat - Búgin barsha musylman qaýymy úshin qasıetti Ramazan aıynyń sońǵy kúni.
Erteń tańerteń Qazaqstannyń barlyq meshitterinde merekelik Aıt namazy oqylady. Astana meshitterinde oraza aıt namazy jergilikti ýaqyt boıynsha saǵat 6.30-da bastalady. Bul týraly astana.kz saıty jazdy.
Osy kúni úlken merekelik dastarhan (Id Al Fıtr) jaıylady. Eńbektegen sábıden eńkeıgen qarııaǵa deıin barsha musylman meshitke bet alyp, oraza aıt namazyn oqyp, qýanyshqa bólenedi. Merekelik namazdan keıin musylmandar «Id Múbárák!» -«Aıt qabyl bolsyn!» dep bir-birin quttyqtaıdy.
«Musylmandardyń eki negizgi meıramynyń biri - Oraza aıt kúnderi úı-úılerde merekelik dastarqan jaıylyp, aǵaıyn birin-biri aralap, aıtpen quttyqtaıdy. Bul kúni balalarǵa tátti-dámdiler men syılyqtar taratylady», dep jazady astana.kz.
