Astana meshitteri jaǵdaıy tómen 300 otbasynyń balalaryna mektep kıimderin alyp bermek
ASTANA. 5 shilde. QazAqparat - Astana meshitteri jaǵdaıy tómen 300 otbasynyń balalaryna mektep kıimderin alyp bermek. Bul týraly búgin Astanada arnaıy baspasóz máslıhatyn ótkizgen «Nur Astana» meshitiniń bas ımamy Qalıjan Zańqoev málim etti.
«Bıyl Ramazan aıy 8 tamyzda aıaqtalady. Onyń arǵy jaǵynda búldirshinderdiń mektepke baratyn ýaqyty da alys emes. Osy jaǵyn oılastyra kele, biz bıyl Astanadaǵy meshitter 300 jaǵdaıy tómen otbasynyń balalaryna mektep kıimderin alyp berýge nıet etip otyrmyz. Bunyń barlyǵyn Astana qalasy ákimdigimen birlese otyryp, oraza aıynyń ishinde iske asyramyz dep otyrmyz», - deıdi bas ımam.
Onyń aıtýynsha, bundaı ıgi iske pitir men sadaqa aqshalary jumsalmaı, kásipkerler qoldaýymen júzege asady. Budan bólek, Q. Zańqoev «Nur Astana» meshitiniń ózi bıylǵy orazada kún saıyn 400 adamǵa deıin aýyz ashar uıymdastyratynyn málimdedi.
