Astana mereke qushaǵynda: birinshi kún
ASTANA. 3 shilde. QazAqparat - Qazaqstannyń elordasy 14-shi týǵan kúnin qarsylaýda. QazAqparat búgin 3 shilde kúni ótetin merekelik sharalar kúntizbesin usynady.
Saǵat 10.00-de Sýly-jasyl býlvarda «ArtBatFest» zamanaýı óner festıvali qonaqtaryn qabyldaýdy jalǵastyrady. Jastardyń basqosýyna sheteldik sýretshiler, «Astana» ekshn-fılmderi kınofestıvaliniń qonaqtary qatysady, zamanaýı bıler konkýrsy, bı flesh-moby, sondaı-aq qazaqstandyq estrada juldyzdarynyń kontserti mereke ajaryn asha túsedi. Munda noýtbýkpen kelýge bolady, óıtkeni tegin Wi-Fi jumys isteıdi.
Kondıterler festıvali de qonaqtardyń esinde qalary sózsiz. Astanalyq Kongress-Hollda saǵat 10:00-da kásibı aspazdar men aspazdyq óner áýesqoılpary bas qosyp, jurtshylyqqa ózderi pisirgen táttilerin usynady.
Búgin Tımýr Bekmambetovtiń «Astana» ekshn-fılmderi halyqaralyq kınofestıvali jumysynyń sońǵy kúni. Ol saǵat 11:00-de Beıbitshilik jáne kelisim saraıynda bastalady. Kúni boıy «ART FEST» konkýrsy jumystarynyń tanystyrylymdary, kınematografshylardyń sheberlik sabaqtary, kınojuldyzdarmen baspasóz máslızattary ótedi. Sondaı-aq stsenarııler men qysqa metrajdy kınobaıqaýlarnyń nátıjeleri jarııalanady, sondaı-aq festıvaldiń jabylýynda "Jańa órmekshi adam» blokbastariniń premerasy bolady.
Bul kúni sondaı-aq Astananyń qarttar men múgedekteri úıinde «Jyr-shashý» qaıyrymdylyq kontserti ótedi.
1 shildede bastalǵan «Azııa jańǵyryǵy» tsırk óneri halyqaralyq festıvali da kóptegen kútken qyzyqty sharalardyń biri. Astanalyq tsırk arenasynda Qytaı gımnastary, Reseı, Qyrǵyzstan, Ózbekstan tsırk sheberleri óner kórsetedi
Elordanyń eki iri teatry M.Gorkıı atyndaǵy orys drama teatry men Q.Qýanyshbaev atyndaǵy Qazaq mýzykalyq drama teatry da qyzyqty premeralaryn usynyp otyr. Saǵat 18:30-da «Kodjınskıe perepalkı» ján «Aqan seri - Aqtoqty» spektaklderiniń premeralary ótedi.
Elorda turǵyndary men qonaqtary búgin qaıta oralǵan ańyzǵa aınalǵan "Taqııaly perishte» kınokontsertin tamashalaıdy. Sımfonııalq orkestr, kameralyq hor, «Shalqyma» halyq bıi ansambli, ánshiler tamasha án sazyn pash etedi.
