«Astana - meniń ómirimniń áýeni» respýblıkalyq aýqymdaǵy án baıqaýy jarııalandy

Búgin «Báıterek» halyqaralyq medıa-ortalyǵynyń habarlaǵanyndaı, baıqaý sharttary qarapaıym. Qatysýshylardyń jastary 18-den 30-ǵa deıin bolýy tıis. Ár úmitker baıqaýǵa eki-ekiden án kompozıtsııalaryn (CD nemese DV tasymaldaǵyshtarynda) usynady. Bir án - «erkin» taqyrypta, ekinshisi - jańa bolýy, elordamyz - Astanaǵa arnalýy tıis. Án jazylǵan dıskilerge 6h12 pishimde, kórkem stılde oryndalǵan óziniń fotosýretin mindetti túrde qosa berýi qajet.

Sonymen qatar, gala-kontsertke qatysý úshin barlyq mýzykalyq janrlar boıynsha ótinishter qabyldanady. Olar úshin jeke tyńdaý ótkiziledi.

Naýryzda irikteý týry ótedi, sáýirde joly bolǵan nomınanttarǵa Astanadaǵy Gala-kontsert fınalynda án shyrqaýdyń múmkindigi beriledi.

Qatysýǵa arnalǵan ótinimder naýryzdyń 1-ine deıin: Astana qalasy Beıbitshilik kóshesi, 25, «Órken» iskerlik ortalyǵy, 4-shi qabat, 414-shi, 406-shy keńse meken-jaıy boıynsha qabyldanady.