Astana men Jambyl oblysynyń ákimdigi áriptestik týraly memorandýmǵa qol qoıdy
Sondaı-aq, delegatsııa gıps pen gıpsokarton óndiretin «KazÝpakTreıd» JShS men mıneraldy tyńaıtqyshtar óndiretin «Qazfosfat» JShS, qaladaǵy mádenı-tarıhı mekemelerde boldy.
Budan basqa, E. Amanshaev bastaǵan delegatsııa «Astana - Jambyl oblysynyń aımaqaralyq áriptestigi» dóńgelek ústeline qatysyp, sol arada isker ortanyń, damý ınstıtýty men memlekettik organnyń ókilderimen óńiraralyq kásipkerlerdi qoldaý boıynsha baǵdarlamany, ınvestıtsııalyq múmkindikti, memlekettik-jekemenshik áriptestik jobasyn, SmartCity tujyrymdamasyn, ekonomıkany tsıfrlandyrýdaǵy ınnovatsııalyq sheshim, qyzmet kórsetý salasyn damytý, bıznestiń damýyndaǵy tsıfrlyq marketıngtiń róli jáne t.b. máselelerdi talqylady. 
Dóńgelek ústeldiń qorytyndysy boıynsha aımaqaralyq áriptestikti damytý týraly kelisim men aımaqtaǵy básekeni arttyrýǵa qol jetkizildi.
«Búginde bizdiń elorda jahandyq máseleler sheshiletin álemdik alańǵa aınaldy, ol - gýmanıtarlyq, saıası, ekonomıkalyq. Sóz joq, bul birinshi kezekte bizdiń Elbasynyń eńbegi. Bıyl astananyń 20 jyldyǵy sheńberinde elimizdiń barlyq óńirinde Astana kúnderi ótip jatyr. Qaıda barsaq ta merekeniń joǵary deńgeıde ótip jatqandyǵy qýantady. Barlyq oblysta jańa mekemeler, jańa nysandar paıda bolyp, túrli mádenı sharalar ótkizilýde. 20 jyldyq bizdi biriktirgen búkilhalyqtyq mereke ekendigin dáleldedi. Jambyl oblysynyń qosqan úlesi zor, bizdiń oıymyzsha búgingi kezdesý ármen qaraı óńir arasynda áriptestikke túrtki bolady dep oılaımyn», - dedi E. Amanshaev.
«Astana qazirgi kezde ınnovatsııalyq ortalyqqa aınalǵan, kezdesýdiń basty maqsaty - óńiraralyq áriptestikti damytý. Astananyń túrli jańa tehnologııalardy, ınnovatsııa engizgen tájirıbesimen tanysyp shyǵyp, ony óz aımaǵymyzda paıdalanyp kóremiz», - dedi Jambyl oblysy ákiminiń orynbasary Erqanat Manjýov.
Sapar barysynda taýar óndirý men óńirdi damytý ınstıtýttary arasyndaǵy áriptestik týraly 7 memorandýmǵa qol qoıyldy.
Sondaı-aq, óńiraralyq áriptestikti damytý boıynsha áriptestik týraly memorandýmda Jambyl oblysy ákimdiginiń kásipkerlik jáne ındýstrıaldy-ınnovatsııalyq damý basqarmasy men Astana q. Investıtsııalar jáne kásipkerlikti qoldaý basqarmasy arasynda, Jambyl oblysy tsıfrlandyrý jáne jobalyq basqarý, ınvestorlarǵa qyzmet kórsetý ortalyǵy men «Astana Innovations» AQ, «Taraz» ÁKK» UK» AQ men «Astana» ÁKK» UK» AQ arasynda, «Smartnet» JK turǵyn úı ınspektsııasy men «Led solıýshn» JShS turǵyn úı ınspektsııasy bólimi arasynda jáne «Orgstroı» JShS men «Astana Innovations» AQ arasynda ózara túsinisýshilik pen áriptestik týraly memorandýmǵa qol qoıyldy.
