Astana men Jambyl oblysynda iri kólemde esirtki tárkilendi
ASTANA. QazAqparat - Polıtsııa qyzmetkerleri Astana men Jambyl oblysynda iri kólemde esirtki zattaryn tárkiledi. Bul týraly QR Іshki ister mınıstriniń keńesshisi - resmı ókil Nurdildá Oraz aıtty, dep habarlaıdy QazAqparat tilshisi.
«Jambyl oblystyq polıtsııa departamentiniń qyzmetkerleri «Quqyq qorǵaý» aldyn alý sharasy barysynda jedel aqparatqa sáıkes buǵan deıin isti bolǵan Moıynqum aýdany turǵynynyń úıine sanktsııalanǵan tintý júrgizdi. Onyń úıin qaraý barysynda iri kólemde esirtki tabyldy. Polıtsııa qyzmetkeri 4 polıetılen paketke salynǵan 3 keli 191 gramm geroın jáne 30 gramm marıhýana tárkilendi», - dedi ol.
Resmı ókildiń dereginshe, saqshylar Astana qalasynda da eki adamnan iri kólemde esirtki tapqan.
«Elordalyq polıtsııa departamentiniń qyzmetkerleri Pýshkın kóshesiniń boıynda jeńil kólikti toqtatyp, onyń jolaýshysynan 3 keli 268 gramm gashısh tapty. Sondaı-aq Aqsaı kóshesi boıyndaǵy úılerdiń biriniń janynan qala turǵyny ustalyp, odan salmaǵy 2 keli 688 gramm bolatyn gashısh tárkilendi. Kúdiktiler ýaqytsha oqshaýlaǵyshqa qamalyp, sotqa deıingi tergeý amaldary júrgizilip jatyr», - dedi Nurdildá Oraz.
