«Astana» men «Ventspıls» fýtbol komandalary arasyndaǵy joldastyq kezdesý 0:2 esebimen aıaqtaldy
ALMATY. 25 aqpan. QazAqparat - Keshe Túrkııada oqý-jattyǵý jıynyn ótkizip jatqan astanalyq fýtbolshylar ventspılstik qurdastarymen joldastyq kezdesý ótkizdi.
10 oıynshysyn ulttyq quramanyń jıynyna jibergen Oleg Protasov jattyqtyratyn astanalyqtar bul oıynda Oleg Laızan jattyqtyratyn Joǵarǵy lıgadaǵy Latvııa chempıonatynyń ótken jylǵy chempıonyna 0:2 esebimen ese jiberdi. Jalpy 1997 jyly qurylǵan bul komanda osy ýaqytqa deıin Joǵarǵy lıgada 4 ret (2006, 2007, 2008, 2011) top jaryp, 5 ret kúmis (2000, 2001, 2002, 2009, 2010), 5 ret qola (1998, 1999, 2003, 2004, 2005) júldeger atandy. Sondaı-aq 5 dúrkin Latvııa kýbogyn (1998, 1999, 2003, 2004, 2005) ıelendi. 2008 jyly Latvııa kýbogynyń fınalısi jáne Lıvon kýbogynyń ıegeri bolyp, Baltyq elderi lıgasynda 2010 jyly chempıon, 2007, 2011 jyldary fınalıst atanyp, al 2007 jyly Dostastyq chempıondary kýbogynyń fınalısi boldy.
