Astana men Venesýela boksshylary shırek fınalda Shymkentte baq talastyrady
ASTANA. QazAqparat - Shymkent qalasynda «Astana arlandary» men «Caciques Venezuela» komandalary arasynda ótetin eki kúndik shırek fınaldyq básekeni «Habar» telearnasy tikeleı efırde kórsetedi dep josparlanyp otyr. Bul kezdesýler S1 jáne S2 salmaq dárejelerinde ótkiziledi.
Alǵashqy kúngi boks keshi búgin, 22 sáýirde, Astana ýaqytymen 21 saǵat 30 mınýtta bastalady. «Habar» agenttiginiń baǵdarlamasyna sáıkes bul kezdesý 22 saǵat 10 mınýttan bastap tikeleı efırde kórsetiledi.
Al 23 sáýir kúni S2 salmaq dárejesindegi boksshylardyń tartysty básekesin el turǵyndary dál 22-00 saǵattan bastap kórý múmkindigine ıe bolmaq.
Buǵan deıin habarlaǵanymyzdaı, «Astana Arlans» - «Caciques Venezuela» arasynda alǵashqy kezdesýde S1 salmaq dárejesinde jekpe-jekke shyǵatyn boksshylardyń tizimi:
49 keli: Jomart Erjan - Anhelıno Kordovo;
56 keli: Nýrbol Kaljanov - Gektor Garsııa;
64 keli: Samat Báshenov - Lýıs Arkon;
75 keli: Abilhan Amanqul - Iohan Gonsales;
91 keli: Muhametjan Erkin - Deıvıs Hýlıo.
23 sáýir kúngi kezdesýde S2 salmaq dárejesinde jekpe-jekke shyǵatyn boksshylardyń tizimi:
52 kg: Azamat Isaqulov - Ioel Fınol;
60 kg: Zakır Safıýllın - Lýıs Kabrera;
69 kg: Bekzod Halmetov - Gabrıel Maestre;
81 kg: Arman Rysbek - Nalek Korbah;
+91 kg: Qamshybek Qońqabaev - Edgar Mýnos.
