Astana men Vashıngton strategııalyq yntymaqtastyq boıynsha keńeıtilgen dıalog ótkizedi

ASTANA. QazAqparat - AQSh Memlekettik hatshysynyń Ońtústik jáne Ortalyq Azııa isteri jónindegi birinshi orynbasary 8-12 jeltoqsan kúnderi Astanada bolady. Osy kúnderi Astana men Vashıngton strategııalyq yntymaqtastyq boıynsha keńeıtilgen dıalog ótkizedi, dep habarlaıdy «QazAqparat» HAA AQSh memlekettik departamentine silteme jasap.

AQSh memlekettik departamentiniń málimdeýinshe, Ýellsten tys, Qazaqstan astanasyna AQSh Ulttyq qaýipsizdik keńesiniń, USAID jáne Ońtústik jáne Ortalyq Azııa isteri jónindegi bıýrosynyń ókilderinen quralǵan delegatsııa da keledi.

Sapar aıasynda jahandyq jáne óńirlik qaýipsizdik máselelerin talqylaý, lańkestikke qarsy yntymaqtastyq, ekonomıkalyq jáne saýda kelisimderi, C5+1 bastamalary, adam quqyqtary jáne quqyq, sondaı-aq basqa da máseleler talqylanady.

Aıta keteıik,bul  Qazaqstan Prezıdenti Nursultan Nazarbaevtyń 2018 jylǵy qańtardaǵy Vashıngtonǵa saparynan keıin ótkeli otyrǵan Keńeıtilgen strategııalyq seriktestik dıalogy aıasyndaǵy alǵashqy resmı kezdesý. Elbasynyń sol jolǵy saparynda AQSh pen Qazaqstan arasyndaǵy eki jaqty yntymaqtastyqty keńeıtýdiń naqty jospary belgilengen edi.

AQSh memlekettik departamentiniń baspasóz relızinde Vashıngton ózara qaýipsizdik jáne Amerıka jáne Qazaqstan halyqtarynyń gúldenýine qolǵabys etý maqsatynda Astanamen qarym-qatynastaryn nyǵaıtýdy kózdep otyrǵany aıtylǵan.