Astana men Túrkistan oblysynyń turǵyndary dárigerdiń qateligi úshin ótemaqy aldy
ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda dárigerdiń kásibı qateliginen zardap shekken naýqastarǵa ótemaqy berý júıesiniń qalaı jumys istep jatqanyn málim etti.
- Bul zań 2024 jyldyń sáýir aıynda iske qosylǵannan beri respýblıka boıynsha barlyǵy 15 is qaraldy. Sonyń ekeýinde naýqasqa ótemaqy tólendi. Eki jaǵdaıdyń biri Astana qalasynda, biri Túrkistan oblysynda qaraldy, - dedi mınıstr.
Sondaı-aq, ol keıbir jeke menshik emhanalar men klınıkalarda dárigerler áli saqtandyrý kelisimsharttaryn jasamaǵanyn aıtady.
- Negizi dárigerlerdiń 90 paıyzdan astamy saqtandyrý kelisimsharttaryn jasap úlgerdi. Barlyq memlekettik mekemede bul kórsetkish 100 paıyzǵa jetti. Keıbir jeke menshik emhanalarmen, klınıkalarmen áli jumys istep jatyrmyz. Al saqtandyrý somasyn dál basyp aıtý qıyn. Óıtkeni tarıf arqyly tólenetindikten esepteý formýlalary kúrdeli. Ony keıin qosymsha aıta alamyz, - dedi Aqmaral Álnazarova.
Buǵan deıin naýqas dárigerdiń qateliginen múgedek bolyp qalsa, 3,1 mln teńgege deıin ótemaqy alýǵa haqyly ekenin jazǵan edik.