Astana men Tomsk týrızmdi birlese damytýǵa ýaǵdalasty
ASTANA. QazAqparat - 8 qyrkúıek kúni jyl saıynǵy «Tomsk kúni» merekesi aıasynda kórme ótti. Kórmeni qala ákimshiliginiń qoldaýymen Tomsk qalasynyń týrıstik aqparattyq ortalyǵy uıymdastyrdy, dep habarlaıdy Astana qalasy ákimdiginiń resmı saıty.
Kórme aıasynda «Astana Konvenshn Bıýro» men Tomsk qalasynyń Týrıstik aqparattyq ortalyǵy arasynda yntymaqtastyq týraly memorandýmǵa qol qoıyldy. Maqsaty - ózara tıimdi yntymaqtastyqty nyǵaıtý, Tomsk jáne Astana qalalarynda ishki jáne syrtqy halyqaralyq týrızmdi damytýǵa baǵyttalǵan.
Yntymaqtastyq aıasynda Tomski qalasynyń ortalyǵyndaǵy navıgatsııalyq mańdaıshalarynda Astana qalasy týraly aqparattar ilingen. Sondaı-aq, halyq kóp jınalatyn oryndarda Qazaqstannyń astanasy týraly úlestirmeli materıaldar taratyldy (jýrnal - Astana qalasynyń jol kórsetkishi boıynsha «Astana Official Guide», Z - karta Astana qalasynyń men t. b.).
