Astana men toǵyz óńirde aýa raıyna baılanysty eskertý jarııalandy
ASTANA. QazAqparat – Qazaqstannyń toǵyz aımaǵy men Astanada qar aralas jańbyr, kóktaıǵaq, tuman bolady dep boljanyp otyr, dep habarlaıdy QazAqparat «Qazgıdrometke» siltememen.
Túnde 23 qazanda Ulytaý oblysynyń soltústiginde, ortalyǵynda soltústik-batystan jel soǵyp, ekpini 15-20 m/s-ke jetedi. Jezqazǵanda 23 qazanda túnde soltústik-batystan soqqan jeldiń ekpini 18 m/s bolady.
Qyzylorda oblysynda soltústik-shyǵystan jel soǵady, túnde oblys ortalyǵynda kúshi 15-20 m/s saqtalady.
23 qazanda túnde Aqmola oblysynyń soltústiginde qar jaýady. Oblystyń soltústiginde, shyǵysynda jaıaý burqasyn, kóktaıǵaq, tuman bolady. Soltústik-batystan, batystan jel soǵady. Túnde oblystyń basym bóliginde jeldiń jyldamdyǵy sekýndyna 15-20, oblystyń ońtústik-shyǵysynda ekpini 25 m/s-ke jetedi, kúndiz oblystyń soltústiginde, ońtústik-shyǵysynda ekpini 15-20 m/s bolady.
Kókshetaýda 23 qazanda túnde qar, jaıaý burqasyn, kóktaıǵaq, tuman bolady. Soltústik-batystan, batystan jel soǵady, kúshi 15-20 m/s.
23 qazanda túnde jáne tańerteń Aqtóbe oblysynyń batysynda, soltústiginde, shyǵysynda tuman túsedi. Jeldiń baǵyty soltústik-batystan ońtústik-shyǵysqa aýysady, túnde oblystyń ortalyǵynda, ońtústiginde, shyǵysynda ekpini 16 m/s jyldamdyqpen jel turady.
Aqtóbede 23 qazanda túnde jáne tańerteń tuman túsedi.
Abaı oblysynyń soltústiginde, ońtústik-batysynda, ortalyǵynda ońtústik-batystan soǵatyn jeldiń kúshi 15-20, ekpini 23-28 m/s deıin jetedi.
Semeıde 23 qazanda ońtústik-batystan jel soǵady, ekpini 15-20 m/s.
Shyǵys Qazaqstan oblysynyń soltústik-shyǵysynda kóktaıǵaq, burqasyn bolady. Jel ońtústik-batystan soǵady, oblystyń soltústiginde, shyǵysynda 15-20, ekpini 25 m/s deıin jetedi.
Óskemende ońtústik-batystan jel soǵady, ekpini 15-20 m/s.
Batys Qazaqstan oblysynyń soltústiginde, batysynda tuman túsedi.
Oralda da 23 qazanda túnde jáne tańerteń tuman túsedi.
23 qazanda tańerten jáne kúndiz Jetisý oblysynyń taýly aýdandarynda jaýyn-shashyn (jańbyr, qar) bolady. Ońtústik-batystan soǵatyn jel soltústik-batysqa aýysady, Alakól kólderi aýmaǵynda jeldiń kúshi 17-22, ekpini 29 m/s deıin jetedi.
Pavlodar oblysynyń soltústiginde 23 qazanda túnde kóktaıǵaq bolady. Batystan jel soǵady, kúshi 15-20, túnde aımaqtyń basym bóliginde, al kúndiz oblystyń ońtústiginde, shyǵysynda ekpini 23-28 m/s deıin jetedi dep kútiledi. Pavlodarda 23 qazanda batystan jel soǵady, kúshi 15-20, túnde jáne tańerteń ekpini 23 m/s bolady.
Astanada 23 qazanda kúndiz kóktaıǵaq kútiledi. Soltústik-batystan, batystan jel soǵady, túnde jáne tańerteń ekpini 15-20 m/s deıin jetedi.
