Astana men Tashkent hokkeı mektepteri memorandýmǵa qol qoıdy
ASTANA. QazAqparat - Astanada shaıbaly hokkeıden №10 mamandandyrylǵan balalar-jasóspirimder sport mektebi men «Bınokor» hokkeı klýbynyń (Tashkent) arasynda yntymaqtastyq jónindegi memorandýmǵa qol qoıyldy, dep habarlaıdy QazAqparat.
Memorandýmǵa qol qoıý barysynda «Barys» sport kesheniniń muz aıdynynda Qazaqstan men Ózbekstannyń bas qalalarynyń hokkeı mektepteriniń shákirtteri dostyq kezdesý ótkizdi.
«Qujatta uıymdar arasyndaǵy qarym-qatynasty damytý, sporttyq ǵylym jáne medıtsına, sporttyq tehnologııalar jáne sporttaǵy ınfraqurylym, sportta dopıng qoldaný, sporttyq tárbıe salasyndaǵy ádisteme, sportshylardyń aýysýy jáne transferlik saıasat, sporttyq menedjment jáne t.b. salalarda ózara qyzyǵýshylyq tanytatyn baǵdarlama, tájirıbe jáne aqparat almasý máseleleri qarastyrylǵan», delingen habarlamada.
