Astana men Tashkent arasynda taǵy bir tikeleı áýe reısi ashylady

TAShKENT. KAZINFORM — Centrum Air áýe kompanııasynyń ushaqtary 29 naýryzdan «Tashkent — Astana» baǵyty boıynsha reıs oryndaı bastaıdy, dep habarlaıdy Kazinform agenttiginiń Tashkenttegi menshikti tilshisi.

Kompanııadan málim etkendeı, atalǵan baǵytta aptasyna úsh reıs josparlanǵan. ıAǵnı, ushaqtar dúısenbi, juma jáne jeksenbi kúnderi jolaýshylar tasymaldaıdy.

Bılet quny 2,2 mln sýmnan (shamamen 90 myń teńge) bastalady. Olardy kompanııanyń resmı saıtynan jáne arnaıy satý keńselerinen alýǵa bolady.

Eske salaıyq, bıyl 30 naýryzdan bastap «Tashkent — Atyraý — Tashkent» baǵyty boıynsha jańa áýe reısi ashylady.

Sonymen qatar, byltyr jeltoqsannan beri SCAT áýe kompanııasynyń ushaqtary Túrkistannan Ózbekstannyń Úrgenish, Buhara jáne Samarqand shaharlaryna tikeleı reıs oryndap jatyr.

Buǵan deıin habarlaǵanymyzdaı, bıyl qańtarda 88 myńnan astam qazaqstandyq Ózbekstanǵa saıahattap barǵan.