Astana men taǵy 11 qalada aýa sapasy nasharlaıdy

ASTANA. QazAqparat – «Qazgıdromet» RMK Qazaqstan qalalaryndaǵy aýa sapasyna boljamyn jarııalady, dep habarlaıdy QazAqparat.

21 qyrkúıekte qolaısyz meteorologııalyq jaǵdaılar Astana, Almaty, Aqtóbe, Atyraý, Petropavl, Kókshetaý, Qostanaı, Óskemen, Semeı (2-dárejeli), Rıdder (2-dárejeli), Pavlodar (1-dárejeli) qalalarynda kútiledi. Ózge shaharlarda aýa sapasy norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.