Astana men taǵy úsh qalanyń aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 16 mamyrda Almaty, Qaraǵandy, Temirtaý qalalarynda, túnde Astana qalasynda qolaısyz aýa raıy kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Buǵan deıin Aqtaý qalasynyń turǵyndary áleýmettik jelilerde qalada kúkirtsýtektiń ótkir ıisi sezilgenine shaǵymdandy. Osyǵan oraı, tekserý júrgizgen mamandar kúkirtsýtek kontsentratsııasynyń normadan asyp ketkenin habarlady.
Aıta keteıik, erteń Atyraýda aptap ystyq, al Semeıde úsik bolady.
