Astana men taǵy 6 qalada aýa sapasy nasharlaıdy

ASTANA. KAZINFORM — Sınoptıkter elimizdegi aýa sapasyna qatysty boljamyn jarııalady. 

— 2025 jylǵy 28 jeltoqsanda Astana, Qaraǵandy, Jezqazǵan, Balqash, Temirtaý, Almaty, Óskemen qalalarynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazaqstannyń 14 oblysynda aýa raıyna baılanysty eskertý jarııalandy.