Astana men taǵy 10 qalada aýa sapasy tómendeıdi

ASTANA. KAZINFORM — «Qazgıdromet» RMK elimizdiń 11 qalasynda aýa sapasy tómendeıtinin habarlady. 

— 2025 jylǵy 21 qazanda Petropavl, Óskemen, Semeı, Rıdder, Aqtóbe, Almaty qalalarynda, túnde Astana, Kókshetaý, Shymkent, Temirtaý, Qaraǵandy qalalarynda qolaısyz meteojaǵdaılar boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Aıta keteıik, «Qazgıdromet» elimizdiń 14 óńirinde aýa raıyna baılanysty eskertý jarııalady.