Astana men Pavlodarda ekstremızmge qatysy bar kúdiktiler ustaldy
ASTANA. KAZINFORM – Ulttyq qaýipsizdik komıteti terrorızmdi nasıhattady degen kúdikpen úsh adamnyń ustalǵany týraly habarlady.
2024 jylǵy 2-3 mamyrda Astana jáne Pavlodar qalalarynda Ulttyq qaýipsizdik komıteti Іshki ister mınıstrligimen birlesip jáne prokýratýramen kelise otyryp, Qazaqstannyń úsh azamatyn qolǵa túsirdi.
Ulttyq qaýipsizdik komıtetiniń habarlaýynsha, olar terrorızmdi nasıhattady jáne respýblıka aýmaǵynda tyıym salynǵan dinı-ekstremıstik uıymnyń qyzmetine qatysty degen kúdikke ilingen.
Tintý kezinde dinı ádebıetter men basqa da zattaı aıǵaqtar tárkilendi.
Kúdiktiler buryn ártúrli qylmys jasaǵany úshin sotty bolǵan.
Qylmystyq kodekstiń 256 jáne 405-baptary boıynsha sotqa deıingi tergeý amaldary júrgizilýde. Qylmystyq is júrgizý kodeksiniń 201-babynyń 1-bóligine sáıkes ózge de málimetter jarııa etilýge jatpaıdy.
