Astana men Parıj mádenı saladaǵy seriktestikti jańa baǵyttarmen tolyqtyrdy
ASTANA. KAZINFORM – Qazaqstan Respýblıkasynyń Mádenıet jáne aqparat mınıstri Aıda Balaeva Frantsýz Respýblıkasynyń Mádenıet mınıstri Rashıda Datımen kezdesti. Kezdesý qazaqstandyq delegatsııanyń Frantsııaǵa jumys sapary aıasynda ótti.
Taraptar ekijaqty mádenı yntymaqtastyqtyń qazirgi jaǵdaıy men bolashaǵyn talqylady. Mınıstrler Qazaqstan men Frantsııa arasyndaǵy mádenı-gýmanıtarlyq baılanystardyń qarqyndy damyp kele jatqanyn atap ótip, memleket basshylarynyń eki elge sapary yntymaqtastyqty jandandyrýǵa serpin bergenin erekshe atap kórsetti.
Aıda Balaeva mýzeı isi, arheologııa jáne tarıhı-mádenı murany saqtaý sııaqty baǵyttarda tájirıbe almasýdy damytýdyń mańyzyn atap ótti. Sondaı-aq ol ǵylymı-zertteý salasyndaǵy yntymaqtastyqty keńeıtýdi, qazaqstandyq mamandardy Frantsııanyń jetekshi mádenı mekemelerinde taǵylymdamadan ótkizýdi, sonymen qatar birlesip kınoóndirý, mýltıplıkatsııa jáne balalar kontentin damytýdy usyndy.
Eki el mádenıet salasynyń tehnıkalyq baǵyttaryndaǵy mamandardyń biliktiligin arttyrý jáne oqytý boıynsha yntymaqtasýǵa kelisti. Ásirese, dybys rejısserleri, jaryq sýretshileri, tehnolog-sýretshiler, beıneınjenerler, sahna mashınısteri, sahnalyq kostıýmder sýretshileri, býtafor-dekoratorlar, grımer-postıjerler jáne basqa da tapshy mamandyqtar boıynsha kadrlar daıarlaýǵa erekshe nazar aýdarylatyn bolady.
Óz kezeginde Rashıda Datı Qazaqstannyń mádenı murany saqtaý isindegi jumysyn oń baǵalap, eki eldiń salalyq mekemeleri arasyndaǵy tájirıbelik yntymaqtastyqty keńeıtýge daıyn ekenin bildirdi.
Kezdesý qarsańynda Parıjdegi ıÝNESKO shtab-páterinde otandyq uly kompozıtor ári dırıjer Nurǵısa Tilendıevtiń 100 jyldyǵyna arnalǵan merekelik kontsert ótti. Іs-shara sheteldik kórermenge Qazaqstannyń baı mádenı murasymen jaqynyraq tanysýyna múmkindik berdi. Kontsert jergilikti turǵyndardyń kóńilinen shyqty.
Aıta keteıik, keshe Aıda Balaeva «Ústirt» nysanynyń qujattamasyn ıÝNESKO-ǵa tapsyrdy.