Astana men Novosibir boks quramalarynyń kezdesýleri teń aıaqtaldy
ASTANA. 23 tamyz. QazAqparat - Elordada Sport kúnine oraılastyrylǵan bokstan Astana men Novosibir (Reseı) qurama komandalarynyń arasynda joldastyq jekpe-jekter bolyp ótti, dep habarlady qalalyq Týrızm, dene shynyqtyrý jáne sport basqarmasynyń baspasóz qyzmetine silteme jasap astana.kz.
«Tolqyn» SK zalynda ótken jarysta 1999-2000 jj., 2001-2002 jj. jáne 2003-2004 jj. týǵan bylǵary qolǵap sheberleri baq synasty.
Doda 12 salmaq sanaty boıynsha uıymdastyryldy. Bul kezdesýlerde dostyq jeńdi. Qazaqstandyqtar alty salmaq sanatynda jeńis toıyn toılady: Álı Maqsutov - 28 kg, Nıkıta Zaharov - 30 kg, Islam Qabdenov - 32 kg, Dıas Eltaı - 48 kg, Elhan Tursynbekov - 50 kg, Álisher Satybaldy - 79 kg.
Qalǵan jekpe-jekterde Novosibir boksshylary basym tústi: Nıkıta Barılo - 28 kg, Anatolıı Fıtodkın - 38 kg, Madııar Asambaev - 46 kg, Danıl Artomonov - 58 kg, Amanat Súleımenov - 46 kg, Ilıa Mının - 48 kg. Barlyq sportshylarǵa estelik syılyqtar men tartýlar taratylyp, jeńimpazdarǵa dıplomdar men medaldar tabystaldy.
Jarysqa qatysýshylar buǵan deıin sharshy alańda talaı judyryqtasqandaryn aıtyp, aldaǵy ýaqytta da osyndaı týrnırlerge qatysýǵa nıetterin bildirdi.
