«Astana» men «Metallýrg» fýtbol komandalarynyń arasyndaǵy kezdesý 1:0 esebimen aıaqtaldy
ALMATY. 31 qańtar. QazAqparat /Erlik Erjanuly/ - Antalııada ekinshi oqý-jattyǵý jıynyn ótkizip jatqan «Astana» fýtbol klýby keshe ótken maýsymdaǵy Grýzııa chempıonatynyń qola júldegeri bolǵan «Metallýrg» fýtbolshylarymen joldastyq kezdesý ótkizdi.
Rýstavı qalasynyń aıaqdopshylarymen bolǵan bul oıyn 1:0 esebimen astanalyqtardyń paıdasyna sheshildi. Onda 1-taımda Sergeı Grıdın ashqan tablodaǵy esep kezdesýdiń sońyna deıin ózgerissiz qaldy. Oleg Protasov jattyqtyratyn astanalyqtardyń bul jıyny 26-qańtarda bastalǵan bolatyn. Olardyń kelesi joldastyq kezdesýi endi 4-aqpanda Kıshınevtiń «Akademııa ÝTM» komandasymen ótkizbek. Búgin «Astana» sapyna Sank-Peterbordaǵy Dostastyq kýbogynda ulttyq qurama sapynda el namysyn qorǵaǵan qaqpashy Denıs Ovsıannıkov, qorǵaýshy Damır Daýtov, jartylaı qorǵaýshy Islambek Qýat jáne shabýylshy Denıs Prokopenko qosylmaq.
