Astana men Máskeý arasy 1 saǵatqa «uzarady»
ASTANA. QazAqparat - Senbiden jeksenbige qaraǵan túni Astana men Máskeý arasy 1 saǵatqa uzarady. Reseıde 26 qazan 02:00-de saǵat tili 1 saǵatqa keıinge shegeriledi.
Osylaısha Astana men Máskeý arasyndaǵy ýaqyt aıyrmasy búginnen bastap 3 saǵatty quraıtyn bolady. Sońǵy ret Reseıde saǵatty aýystyrý sharasy 2011 jyly júrgizildi. Sodan beri bul elde qysqy nemese jazǵy ýaqytqa ótý máselesi qoǵamda ótkir talqylanyp keldi. Ǵalymdar ýaqyttyń aýysýy adam densaýlyǵyna áser etetinin aıtsa, sheneýnikter ózgertýler elektr energııasyn únemdeý maqsatynda jasalyp otyr dep aqtalǵan edi. Endi Reseı memleketi de budan bylaı ýaqyt aýystyrý sharasynan birjolata bas tartpaq, dep habarlaıdy 24.kz.
