Astana men Máskeý - «aqyldy qala» tehnologııasyn engizýdi qajet etetin megapolıster

Bul týraly «Astana aqshamy» gazeti jazady.

Mańyzdy sharada eki qalanyń laýazymdy tulǵalary men kásipkerleri qatysyp, ózara pikir almasty. Ortaq máselelerdi sarapqa saldy. "Aqyldy qala" jobasy týraly jańa oılar aıtyldy. Ásirese, Reseılik kásipkerlerdiń qazaqstanmen, onyń ishinde elordamen iskerlik qarym-qatynas jasaýǵa qyzyǵýshylyqtary joǵary ekendikterin baıqadyq.

Іskerlik forýmynda Astana qalasynyń ákimi elordanyń ekonomıkalyq qýaty men damý barysy týraly salmaqty sóz sabaqtady.

- Búginde Astana halqynyń sany bir mıllıonnan asty. Qala ekonomıkasy da jedel damyp keledi. Eki bas qalanyń ekonomıkalyq jaǵynan uqsastyqtary kóp. Sondyqtan da isker qoǵamdastyqtar arasynda belsendi yntymaqtastyq ornatýǵa nıetimiz zor. Eki jaqta da ozyq baǵdarlamalar men tyń  tehnologııalar jeterlik. Biz olardy jemisti júzege asyra alamyz, - dedi Áset Isekeshev.

         Sondaı-aq, elorda basshysy óz baıandamasynda Astana ekonomıkasynyń basym baǵyttaryna aıryqsha toqtaldy. Qalanyń serpindi damý belesin sóz etti. Ásirese, qala turǵyndarynyń ómir sapasyn jaqsartý arqyly olardyń kirisin arttyrý jóninde aýqymdy jumystar júrgizip jatqandyǵyn jetkizdi. Halyqty jumyspen qamtý jáne ekonomıkalyq modeldiń jańa qurylymdary jaıynda oı qozǵady. Sonymen birge MJS modelin belsendi paıdalaný, shaǵyn jáne orta bıznesti damytý, saýda sektorlaryn kóbeıtý, ındýstrıaldy qurylysty jandandyrý, turǵyn úıdiń qoljetimdiligin qamtamasyz etý men  jańa qurylys tehnologııalaryn damytý sekildi birneshe baǵyttaǵy istelip jatqan mańyzdy jumystardy áńgimeledi. Týrızm salasyna erekshe ekpin berip sóıledi.  Elordadaǵy joǵary sapaly deńgeıde qyzmet kórsetetin medıtsınalyq biregeı ortalyqtar men sport keshenderdiń qyzmeti týraly aıtty. Aldaǵy jyly Astanada ótetin "EKSPO-2107" halyqaralyq kórmesine máskeýlikterdiń belsendi qatysýyna shaqyrdy.

         - Memlekettik basqarýdyń tıimdiligin eseleýge búginde jan-jaqty zerttelip jatqan smart-sheshimderiniń yqpaly zor. Bul jumystyń ashyqtyǵyn kórsetedi.TKSh júıesiniń aıqyn qyzmetin qalyptastyrady. Sondyqtan qoǵamdyq kólik, bilim jáne densaýlyq saqtaý  salasynda smart-sheshimderdi engizý qajet. Biz bul tarapta birqatar jobalardy júzege asyrdyq,- dedi Áset Isekeshev forýmda sóılegen sózinde.

         Al  Máskeý Úkimetiniń mınıstri, qalalyq Syrtqy ekonomıkalyq jáne halyqaralyq baılanys departamentiniń basshysy Sergeı Cheremın Reseı tarapy Qazaqstannyń Astanasymen qarym-qatynasty nyǵaıtýǵa múddeli ekendigin jetkizdi.

         - Qazaqstan Máskeý qalasynyń aldyńǵy ondyqqa kiretin iri saýda áriptesi sanalady. Osy jyldyń alǵashqy toqsanynda qala boıynsha Qazaqstannyń saýdaǵy tyǵyz qarym-qatynasy segizinshi orynǵa kóterildi. Bunyń barlyǵy eki eldiń jaqyn baılanysy dep aıtýǵa bolady. Astana -  búginde álemdegi eń ozyq tehnologııalardy, ınvestıtsııalardy tarta otyryp, qarqyndy damyp jatqan  qala. Árıne, qazirgi  iskerlik toptar arasynda qarym-qatynas qurý ońaı emes. Biz óte kúrdeli ekonomıkalyq jaǵdaıǵa tap boldyq. Alaıda Astana men Máskeý arasyndaǵy ıntegratsııalyq ózara is-qımyldyń perspektıvalary  bar. Bizdiń qarym-qatynasymyz odan ári damı beredi.  "EKSPO-2017" halyqaralyq  kórmesine belsendi qatysamyz, - dedi Sergeı Cheremın.

         Onyń aıtýynsha, "EKSPO-2 017" kórmesi máskeýlik iskerlik toptar men kásiporyndardyń elektr energııasyn óndirý tehnologııalaryn, onyń saqtalýy men energetıka salasyndaǵy jańa jobalardy kórsetýdiń alańy bolmaq.

         Forým aıasynda Reseıdiń bas qalasynda qolǵa alynyp, engizýdi josparlap otyrǵan "Aqyldy qala" jobasy tanystyryldy.  Rasynda, osy jobanyń tıimdiligine ózimizdiń de qyzyǵýshylyǵymyz oıandy.

         - Astana men Máskeý - "aqyldy qala" tehnologııalaryn engizýdi qajet etetin megapolıs sanalady.  Biz de «aqyldy qala" jobasyn damytý boıynsha Mosrobot sııaqty qyzyqty tehnologııalar qolǵa alyndy.  Bul kóshede nemese marshrýtta bolyp jatqan oqıǵalar týraly qala turǵyndaryna tikeleı aqparat etedi. Sonymen birge geoanalıtıka quraldaryn paıdalaný engiziledi. Búginde  qalada tórt iri mobıldi operator jumys isteıdi. Biz jasyryn túrde qalada júrgen adamdardyń aǵyny týraly málimet alamyz jáne osy derekterdiń negizinde qalalyq ınfraqurylymdy damytamyz, - dedi «Aqparattyq qala» MBM bas dırektory Alekseı Chýkarın.

         Al "Qalalyq elektrondyq qyzmet" aqpatarttyq- tehnologııa departamentiniń jetekshisi Dmıtrıı Ivanov máskeýde memlekettik portaly jemisti jumys istep jatqandyǵyn, oǵan qala turǵyndarynyń belsendiligi joǵary ekendigin jetkizdi.

         - Bizdiń portal arqyly qala turǵyndary áleýmettik tólemaqylaryn bilýge, balalardy mektep pen balabaqshaǵa tirkeýge, joldamaǵa tapsyrys berýge, dárigerge aldyn ala jazylýǵa jáne kóligińizge baılanysty qaryzyńyzdy tóleýge kóp múmkindikter jasaıdy. Sondyqtan portal qanatyn keń jaıyp keledi,- dedi ol.

         Sonymen birge, mańyzdy jıynda máskeýlik áriptester ınnovatsııalyq qyzmet erekshelikterimen jáne kósheni abattandyrý sekildi birqatar atqarylyp jatqan jumystarymen bólisti. Árıne, qanshama ǵasyrlyq tarıhy bar qalanyń tájirıbesi mol ekendigin aıtqanda jón. Bizdiń olardyń tıimdiligin eskerip, ózimizge laıyqtap paıdalana bilsek, utarymyz mol. Forýmda soǵan kózimiz jetti. Elorda basshysy da máskeýlik áriptesteriniń jańa jobalaryna erekshe ynta bildirip, olardan naqtylap surap, qyzyǵýshylyq tanytyp otyrdy.

         Kezdesýde Astana qalasy ákimdiginiń Investıtsııalar jáne damý basqarmasynyń basshysy Álisher Ábdiqadyrov pen Máskeýdiń ulttyq saıasat, aımaqaralyq baılanys jáne týrızm departamentiniń  jetekshisi Vladımır Chernıkov yntymaqtastyq týraly memorandýmǵa qol qoıyldy. Bul mańyzdy qujat eki qala arasyndaǵy yntymaqtastyqty odan ári ulǵaıtady.

                   Azamat ESENJOL,

                                                                                                          Máskeý qalasynan