Astana men Mańǵystaýda menıngokokk ınfektsııasynyń shyqqany rastalǵan joq
Qoǵamdyq densaýlyqty saqtaý komıtetiniń aqparatyna sáıkes, ol eki adam Astana men Mańǵystaý oblysynyń ınfektsııalyq statsıonarlaryna tústi. Búginde ekeýiniń de jaǵdaıy aýyr. Biraq alǵashqy synamalar menıngokokktyń baryn rastaǵan joq.
«Máselen, Astanada PTsR-men bir synama aldyq. Ol teris nátıje kórsetti. Qazir bakterıologııalyq synama jasalyp jatyr. Naýqastyń jaǵdaıy aýyr. Al Mańǵystaý oblysynda 30 qyrkúıek kúni áskerı bólimsheden menıgokokk ınfektsııasy bar degen kúdikpen bir sarbaz jetkizildi. PTsR teris nátıje berdi. Bakterıologııalyq taldaý kezinde muryn qýysynan streptokokk anyqtaldy. Onyń da jaǵdaıy aýyr», - dedi epıdemıologııalyq baqylaý basqarmasynyń jetekshisi Roza Qojapova ınfektsııalyq aýrýlardyń aldyn alý shtabynyń otyrysynda.
Onyń aıtýynsha, aǵymdaǵy jyly 30 maýsymǵa deıin respýblıka boıynsha menıngokokk ınfektsııasy órship turdy. Bertin kele, jaǵdaı túzeldi. Al qyrkúıekten beri bir ǵana oqıǵa tirkeldi.
«Aqtóbe oblysynda 2013 jyly týǵan bir bala aýyryp qaldy. Búginde ol ınfektsııalyq stantsıonarda em alyp júr. Jaǵdaıy birqalypty», - dep atap kórsetti R.Qojapova.