«Astana» men «Manchester ıÝnaıted» matchy: Elordada qoǵamdyq kólik jumysy kúsheıtildi
NUR-SULTAN. QazAqparat – 28 qarashada elordalyq «Astana» men anglııalyq «Manchester ıÝnaıted» FK arasyndaǵy ÝEFA Eýropa Lıgasy fýtbol matchynyń ótýine baılanysty qalada qoǵamdyq kólikter jumysy kúsheıtildi, dep habarlaıdy QazAqparat «Astana LRT» saıtyna silteme jasap.
«Match kezinde jankúıerler kóp bolady dep kútilýde. Sol úshin 8 qalalyq jáne bir qala syrtyna qatynaıtyn avtobýs júredi. Sondaı-aq Sport Shuttle Bus arnaıy baǵdarlaryn iske qostyq», - dep habarlady kompanııanyń baspasóz qyzmeti.
Odan bólek búgin №10, 12, 28, 37, 40, 51, 53, 60 jáne 303 baǵdarlarynyń jumysy kúsheıtiledi.
Sport Shuttle Bus №№ 801, 802, 803 jáne 804 baǵdarlary qalanyń kelesi núktelerinen qatynaıdy: «Bal bala» b/b - №167 kóshesi, 5/1; «Kóktem» SÚ - Bógenbaı batyr dańǵ, 34; TRTs «Arýjan» SOS - Jansúgirov, 8/1; «Stroımart» g/m - Qoshqarbaev dańǵyly - Qudaıberdiuly kóshesi qılysynda. Jolaýshylardy jınaý ýaqyty 20.00-den 21.00-ge deıin.
№ 801, 802, 803 ı 804 arnaıy avtobýstardyń baǵdarlaryn AstraBus qosymshasynan kórýge bolady.
Bul baǵdarlar jankúıerlerdiń jolǵa jáne kólik qoıatyn turaqtar izdeýde ýaqytyn únemdeýge múmkindik beredi. Sport Shuttle Bus bılet baǵasy qaladaǵy avtobýstardyń baǵalarymen birdeı.
Keri baǵytta avtobýstar Qabanbaı batyr dańǵyly jaǵynan «Astana-Arena» stadıonynyń birinshi lınııasynda, sondaı-aq Turan dańǵylynyń jolyna beriletin bolady.
Foto: fcastana.kz
