Astana men Qyzylorda qalalarynyń qala qurylysy kadastry ózge óńirlerge úlgi bolmaq
QYZYLORDA. QazAqparat - Búgin Qyzylorda oblysyna QR Óńirlik damý mınıstri Bolat Jámishev jumys saparymen keldi. Tús aýa mınıstrdiń qatysýymen QR Memlekettik qala qurylysy kadastrynyń biryńǵaı júıesin qalyptastyrý máselesi boıynsha selektorlyq keńes ótti.
Májiliste oblys ákimi Qyrymbek Kósherbaev oblystaǵy qala qurylysy kadastryn qurý men júrgizý boıynsha oń nátıjeler men jetistikterge toqtaldy.
Qyzylorda qalasy men barlyq 7 aýdan ortalyǵynyń, 3 iri eldi mekenderdiń bas josparlary jáne 144 aýyldyq eldi mekenderdiń damý syzbalary ázirlenip, zańnama talaptaryna sáıkes qoldanysqa engizilgen.
Oblys eldi mekenderiniń atalǵan qala qurylystyq qujattaryn ázirleýge oblystyq bıýdjetten 434,1 mln. teńge bólindi.
Bul óz kezeginde oblys eldi mekenderiniń 20-25 jylǵa deıingi damý strategııasyn aıqyndaýǵa múmkindik berýde. Aımaqta jobalanǵan barlyq qurylys nysandary eldi mekenderdiń bas josparlaryna sáıkes, qala qurylystyq reglamenttermen qatar basqa da shekteýlerdi saqtaı otyryp salynýda.
2012-2013 jyldary oblys jáne aýdan ortalyqtarynda bekitilgen bas josparlarǵa sáıkes 2487 ga aýmaqtyń túbegeıli josparlaý jobalary ázirlendi, onyń ishinde Qyzylorda qalasy boıynsha -1309 ga.
Májiliste QR Óńirlik damý mınıstri Bolat Jámishev qala qurylysy kadastryn barlyq deńgeıde júrgizý máselesiniń ózektiligine toqtaldy.
«QazQSǴZI» AQ Astana fılıalynyń dırektory Turlybek Musabaev memlekettik qala qurylysy kadastrynyń biryńǵaı júıelerin qalyptastyrý barysyn tanystyrdy. Munan keıin sóz alǵan osy saladaǵy memlekettik qurylym ókilderi de máselege baılanysty habarlamalar jasady.
Keńestiń qorytyndysy boıynsha QR Memlekettik qala qurylysy kadastrynyń biryńǵaı júıelerin qalyptastyrý barysynda Qyzylorda qalasy men Astana qalalarynyń tabysty tájirıbesin negizge alý usynyldy.
Sonymen birge QR Ulttyq geoaqparattyq júıesinde memlekettik Jer jáne Qala qurylysy kadastrlarynyń ózara baılanysynyń múmkindigin qarastyrý sheshildi.
