Astana men Kókshetaýda ekinshi aýysymdaǵy sabaq onlaın ótetin boldy

ASTANA. KAZINFORM - Astana men Kókshetaý qalalarynda aýa raıynyń qolaısyzdyǵyna baılanysty ekinshi aýysymda oqıtyn mektep oqýshylary onlaın oqıtyn boldy. 

"Aýa raıynyń qolaısyzdyǵyna baılanysty ekinshi aýysymnyń 0-9 synyp oqýshylary qashyqtan oqý formatyna aýystyryldy" dep habarlaıdy elordanyń bilim basqarmasy.

Sondaı-aq, Kókshetaý mektepterinde ekinshi aýysymdaǵy 1-7 synyp oqýshylary onlaın oqıtyn boldy.

«Aýa raıynyń qolaısyzdyǵyna baılanysty (jeldiń 20 m/s deıin kúsheıýi, boran) 8 aqpanda ekinshi aýysymdaǵy 1-7 synyp oqýshylary qashyqtyqtan oqytý formatyna kóshiriledi», — delingen qalalyq bilim bóliminiń habarlamasynda.