Astana men Qaraǵandynyń áýe bazalarynda paradqa qatysatyn ushý quramdarynyń jattyǵýlary bastaldy (FOTO)

ASTANA. QazAqparat - Astana jáne Qaraǵandy qalalarynyń áýe bazalarynda ushý quramy men avıatsııalyq tehnıkanyń 1941-1945 jj. Uly Otan soǵysyndaǵy Jeńistiń 70 jyldyǵyna arnalǵan áskerı paradqa daıyndyǵy qyzý júrip jatyr.

Bul týraly Qorǵanys mınıstrliginiń baspasóz qyzmetinen habarlady.

Qazirgi kezde jaýyngerlik áskerı ushaqtar men tikushaqtardyń ekıpajdary juptasyp 200-500 metr aralyǵyndaǵy shaǵyn bıiktikte jáne bólimder quramynda jattyǵýlaryn ótkizýde. Bizdiń ushqyshtarymyzdyń deńgeıi joǵary, biraq, avıatorlardyń aıtýynsha, tájirıbelik jattyǵýlar eshqashan artyq bolmaıdy.

Parad ótetin kúni Astana aspanyna birikken áýe sapymen qazaqstandyq ÁQK qarýynyń bir bóligi bolyp tabylatyn avıatsııalyq tehnıkanyń 70 birligi ushady. Bular maıdandyq, áskerı-kóliktik jáne armııalyq avıatsııanyń Sý-25, Sý-27, Sý-30, MıG-29, MıG-31, MıG-27, An-26, An-72, Tý-134, Tý-154, S-295 (Airbase Military) ushaqtary jáne Mı-8, Mı-17, Mı-171, Mı-26, K-32 ı ES-145 (Eýrokopter) tikushaqtarynyń toby.

Túrli ushqyshtar toptarynyń quramyndaǵy áskerı ushqyshtar «Qazaq eli» alańynyń ústimen ushyp, QR QK ÁQK Áskerı-áýe kúshteriniń tájirıbeli ushqysh ekıpajdary joǵary pılotajdyń áserli fıgýralaryn oryndaýdy josparlap otyr. Áýe shoýy áskerı paradtyń eń áserli sátteriniń biri bolmaq.