Astana men Qaraǵandyda polıtseıler esirtkiniń iri partııalaryn tárkiledi

ASTANA. KAZINFORM – Іshki ister mınıstrligi esirtki qylmysyna qarsy is-qımyl boıynsha jumysty belsendi jalǵastyryp keledi, dep habarlaıdy Polisia.kz.

 – Astanada polıtsııa qyzmetkerleri jaldamaly páterde 35 jastaǵy esirtki jasyrýshyny ustady. Jeke tintý barysynda kúdiktiden 350 oram jáne sıntetıkalyq esirtki salynǵan eki úlken polıetılen paket tárkilendi. Sondaı-aq páterdi tintý kezinde jasyrýǵa daıyndalǵan 1,5 myńnan astam oram, salmaǵy bir jarym kılogramm bolatyn 4 úlken oram, 5 myńnan astam zip-paketter, tarazy men esirtkini ólshep oraýǵa arnalǵan qurylǵylar tárkilendi. Ustalǵan adamnan barlyǵy 6 kg-nan astam esirtki tárkilendi. Onyń ishinde 4 kg-dan astam mefedron, 2 kg úndi marıhýanasy jáne 8 gramm kokaın, – dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.

Odan bólek, Qaraǵandyda 53 jastaǵy er adam ustaldy. Ol óz páteriniń balkonynda 10 kg-nan astam gashısh saqtaǵan. Júrgizilgen jumystyń nátıjesinde zańsyz aınalymǵa esirtki zattarynyń 35 myńnan astam dozasy jiberilmedi.

Kúdikti ýaqytsha ustaý ızolıatoryna qamaldy. Bul qylmystar úshin múlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasy qarastyrylǵan.