Astana men Qaraǵandy keıingi 5 jylda aýasy eń kóp lastanǵan qalalar atandy
ASTANA. KAZINFORM – Ekologııa jáne tabıǵı resýrstar mınıstrligi 2024 jyldyń birinshi jarty jyldyǵynda aýasy lastanǵan eldi mekenderdi atady.
«Qazgıdromet» RMK mamandary 2024 jyldyń birinshi jarty jyldyǵynda monıtorıng júrgizilgen 70 eldi mekenniń beseýinde atmosferalyq aýanyń óte joǵary lastaný deńgeıi, 21-inde joǵary lastaný deńgeıi, 28-inde kóterińki lastaný deńgeıi, 16-synda tómen lastaný deńgeıi tirkelgenin aıtady.
Atap aıtsaq:
Lastanýdyń óte joǵary deńgeıi 5 eldi mekende: Qaraǵandy, Astana, Talǵar, Aqtóbe, Aqsaı qalalarynda;
Joǵary deńgeıi 21 eldi mekende: Almaty, Óskemen, Temirtaý, Balqash, Oral, Rıdder, Lısakovsk, Sátbaev, Pavlodar, Petropavl, Hromtaý, Arqalyq, Qostanaı, Rýdnyı, Túrkistan, Jitiqara, Aral, jáne Jańbaı aýyly, Maqat, Keńqııaq , Shubarshy eldi meknederinde;
Kóterińki deńgeıi 28 eldi mekende: Atyraý, Aqtaý, Taldyqorǵan, Jezqazǵan, Semeı, Shymkent, Jańaózen, Qyzylorda, Ekibastuz, Qulsary, Jarkent, Taraz, Shý, Qandyaǵash, Kentaý, Shemonaıha, Abaı, Şýchınsk qalalary men Ganıýshkıno, Bórli aýyldarynda, Beıneý, Inderbor, Shıeli, Áıteke bı, Bestóbe, Qarabalyq, Qyzylsaı, Burabaı kentterinde;
Tómen deńgeıi 16 eldi mekende: Aıagóz, Atbasar, Aqsý, Kókshetaý, Stepnogorsk, Qarataý, Jańatas, Altaı, Saran, qalalary men Sastóbe, Glýbokoe, Áýezov, Aqsý, Tóretam kentterinde, Qordaı, Aqaı aýyldarynda tirkelgen.
«Atmosferalyq aýanyń joǵary lastanýynyń (JL) 191 jaǵdaıy tirkeldi, onyń ishinde: Qaraǵandy qalasynda – 94 JL jaǵdaılary, Atyraý qalasynda – 91 JL jaǵdaılary (NCOC kompanııasy beketiniń derekteri boıynsha), Aqtóbe qalasynda – 6 JL jaǵdaılary tirkeldi», - dep jazylǵan bıýlletende.
«Qazgıdromet» málimeti boıynsha, keıingi bes jyldyń ishinde (2020-2024 jj.) aýa lastanýynyń turaqty ári joǵary deńgeıi Astana, Qaraǵandy qalalarynda baıqalyp keledi.
«Astana qalasynyń aýasyn negizgi lastaýshy zattar – qalqyma bólshekteri (shań), RM-2,5 qalqyma bólshekteri, RM-10 qalqyma bólshekteri, kómirtegi oksıdi, kúkirt dıoksıdi, azot dıoksıdi, azot oksıdi kúkirtsýtegi. Qaraǵandy qalasynda – qalqyma bólshekteri (shań), RM-2,5 qalqyma bólshekteri, RM-10 qalqyma bólshekteri, kómirtegi oksıdi, azot dıoksıdi, kúkirtsýtegi», - dep jazylǵan qujatta.
