«Astana» men «Gelıos» fýtbol klýbtary arasyndaǵy kezdesý 1:0 esebimen aıaqtaldy
ALMATY. 22 aqpan. QazAqparat - Keshe Túrkııanyń Antalııa qalasynda «Astana» men «Gelıos» fýtbol klýbtary arasynda joldastyq kezdesý boldy.
Onda Olega Protasov jattyqtyratyn astanalyqtar qarsylasyn 1:0 esebimen utty. Bul oıynda soǵylǵan jalǵyz doptyń avtory Qaırat Nurdáýletov boldy.
2002 jyly 1 jeltoqsanda qurylǵan Harkov qalasynyń «Gelıos» komandasy 2004/2005 jylǵy maýsymnan bastap Ýkraına Birinshi lıgasynda óner kórsetedi. Vladımır Shehovtsev jattyqtyratyn harkovtikter byltyr 18 komandanyń arasynan 15-oryn alǵan bolatyn.
Qazaqstan ulttyq quramasynyń bas bapkeri Mıroslav Beranekten shaqyrtý alǵan astanalyqtardyń 10 oıynshysy búginnen bastap quramanyń jattyǵý jıynyna qatysýda. Olar - qorǵaýshylar Qaırat Nurdaýletov, Muhtar Muhtarov, Mark Gýrman, Mıhaıl Rojkov, Evgenıı Gorıachıı, shabýylshylar Tańat Nóserbaev, Sergeı Ostapenko, Sergeı Grıdın jáne jartylaı qorǵaýshylar Ulan Qonysbaev pen Marat Shaıahmetov.
