Astana men Ereımentaý arasyndaǵy jol qysqarady
«115-165 shaqyrymdyq ýchaske jumysy jeke atap ótýge turarlyq. Onyń ereksheligi, joldyń jarty bóliginiń jańadan salynýynda, bolashaqta Ereımentaý men elorda arasyndaǵy araqashyqtyq 5 shaqyrymǵa qysqaratyn bolady. Ol úshin «ABK-Avtodor NS» dıvızıonynyń qurylysshylaryna bul ólkeniń baı kórinisi bolyp tabylatyn tóbelerdiń aıtarlyqtaı mólsherin kesip ótýge týra kelgen», - dep málimdedi VI Road Construction kompanııasy baspasóz qyzmetiniń ókilderi.
Avtojoldyń bul ýchaskesi, óz kezeginde «Nurly jol» memlekettik baǵdarlamasy nysandarynyń tizbesine kiretin jáne ekonomıkalyq jáne áleýmettik mańyzdylyǵy bar «Ortalyq-Shyǵys» elderiniń úlken qatynaý jáne tasymaldaý ýchaskesi bolyp tabylatyn «Astana-Pavlodar» baǵytynyń bóligi bolyp keletinin atap ótelik. Ol - eni 3,75 metrlik tórt jolaqtan turatyn I-A kategorııaly beton jol. Bólip turatyn jolaǵyn qosa eseptegende, kólik ótetin bóliginiń jalpy eni 15 metr. Jamylǵysy - qalyńdyǵy 25 sm tsementbeton. Bul ýchaskede joba qujattamalaryna sáıkes 31 sý ótkizetin qubyr, bes mal ótkeli, úsh ótpejol, eki kólik jol aıryǵy jáne bir kópir salý kózdelgen.
Buǵan qosa, joldyń bir bóligine avtobýs aıaldamalaryn, avtopavılondar, demalys alańqaılaryn salý qarastyrylǵan. Sonymen qatar, brıgada joldyń bul bóligine jumys aýmaǵyna qosymsha qardan qorǵaıtyn barerler ornatqan, bul jumysty bastaýǵa kedergi bolatyn kóktemgi erigen sýdy kútý ýaqytyn barynsha azaıtatyn bolady. Bul ýchaskeniń qurylysy 2018 jyldyń kókteminde aıaqtalady. Astanadan Pavlodarǵa deıingi joldyń aqyly bolatynyn esterińizge salamyz. Ony qaıta qurylymdaý 2018 jyly aıaqtalady.
