Astana men elimizdiń 15 óńirinde jańbyr jaýyp, tuman basady

ASTANA. KAZINFORM — Sınoptıkter 4 sáýirde Astana jáne Qazaqstannyń 15 óńirinde aýa raıyna baılanysty eskertý jarııalady. Eldiń kóp bóliginde jańbyr, burshaq, tuman jáne jel kútiledi, dep habarlaıdy «Kazgıdromet» RMK.

Astanada kúnniń ekinshi jartysynda jańbyr men naızaǵaı kútiledi. Kúndiz shańdy daýyl kóteriledi.

Aqmola oblysynda kúndiz batys, soltústik jáne ońtústikte jańbyr jaýyp, naızaǵaı, burshaq, shańdy daýyl bolady. Jel ońtústik-shyǵystan ońtústik-batysqa aýysady, kúndiz batys, soltústik jáne ońtústikte ekpini 15–20 m/s deıin jetedi. Kókshetaýda jel ońtústik-shyǵystan ońtústik-batysqa aýysady, kúndiz ekpini 15 m/s shamasynda bolady.

Soltústik Qazaqstan oblysynyń batysy men soltústiginde tuman túsedi. Kúndiz batys jáne ońtústikte naızaǵaı oınap, ońtústik-shyǵystan jel soǵady, ekpini 20 m/s deıin barady. Petropavlda túnde jáne tańerteń tuman túsip, jel soǵady.

Qostanaı oblysynda jańbyr, naızaǵaı kútiledi, soltústik, batys, ońtústik-batys aımaqtarda jańbyr quıyp, kúndiz burshaq jaýady. Shyǵysta tuman túsedi. Jel ońtústik-shyǵystan soltústik-batysqa aýysady. Qostanaıda naızaǵaı oınaıdy, kúndiz keı jerlerde qatty jańbyr, burshaq jaýady. Jel ońtústik-shyǵystan soltústik-batysqa aýysady, kúndiz ekpini 15–20 m/s deıin jetedi.

Qaraǵandy oblysynda kúndiz batys pen soltústikte naızaǵaı oınap, shyǵysta tuman bolady. Jel ońtústik-shyǵystan soǵady, kúndiz batys pen soltústikte ekpini 15 m/s deıin barady.

Ulytaý aýdanynda batys, soltústik jáne ortalyqta naızaǵaı kútiledi. Jel ońtústik jáne ońtústik-batystan soǵady; tańerteń jáne kúndiz batys, soltústik jáne ortalyqta ekpini 15–20 m/s, keıde 23 m/s bolady. Jezqazǵanda jel ońtústik jáne ońtústik-batystan soǵyp, kúndiz ekpin 15 m/s deıin jetýi múmkin.

Shyǵys Qazaqstan oblysynda túnde jáne tańerteń soltústik pen shyǵysta tuman bolady. Óskemende túnde jáne tańerteń tuman saqtalady.

Abaı oblysynda túnde jáne tańerteń soltústik pen ortalyqta tuman bolady. Jel soltústik-shyǵystan soǵyp, Aıagóz aýdanynda túnde jáne tańerteń ekpin 15–18 m/s deıin barýy yqtımal.

Jetisý oblysynda soltústik jáne ońtústikte joǵary órt qaýpi saqtalady. Taldyqorǵanda da joǵary órt qaýpi bar.

Jambyl oblysynda tańerteń jáne kúndiz batys, ońtústik jáne taýly aýdandarda jańbyr, naızaǵaı, burshaq bolady. Taýly aýdandarda tuman saqtalady. Jel soltústik-shyǵystan soǵyp, kúndiz keı jerlerde ekpini 15–20 m/s bolady. Ortalyq, soltústik-batys jáne shyǵysta joǵary órt qaýpi bar. Tarazda kúndiz jańbyr, naızaǵaı, burshaq bolady, jel soltústik-shyǵystan soǵyp, kúndiz ekpin 15–20 m/s.

Túrkistan oblysynda kúndiz taýlarda qatty jańbyr bolady. Ońtústik, batys, taýly aýdandarda naızaǵaı, burshaq kútiledi. Jel soltústik-shyǵystan soǵyp, taýly aýdandarda ekpini 15–20 m/s deıin jetedi. Batys, soltústik jáne ortalyqta joǵary órt qaýpi saqtalady. Túrkistan qalasynda túnde jáne tańerteń naızaǵaı oınaıdy. Jel soltústik-shyǵystan soǵady, ekpini 15–20 m/s. Joǵary órt qaýpi saqtalady.

Shymkentte tańerteń jáne kúndiz naızaǵaı oınaıdy. Jel soltústik-shyǵystan soǵyp, ekpin 15–20 m/s deıin barady.

Qyzylorda oblysynda túnde soltústik pen ortalyqta jańbyr quıady. Soltústik, shyǵys, ortalyqta naızaǵaı oınaıdy. Jel ońtústik-batystan soǵady, ekpini 15–20 m/s. Shyǵysta joǵary órt qaýpi saqtalady. Qyzylordada túnde jáne tańerteń naızaǵa oınap, jeldiń ekpini 15–20 m/s deıin kóteriledi.

Aqtóbe oblysynda shyǵys pen ońtústikte jańbyr, naızaǵaı kútiledi. Túnde jáne tańerteń batys, soltústik aımaqtarda tuman túsedi. Jel soltústik-batystantan soǵady, shyǵys, ońtústik aımaqtarda ekpini 15–20 m/s deıin jetedi. Aqtóbede jel soltústik-batystan soǵady, kúndiz ekpini 15 m/s deıin barýy yqtımal.

Batys Qazaqstan oblysynda kúndiz batys, soltústik jáne keı jerlerde jańbyr, naızaǵaı bolady. Túnde jáne tańerteń batys, soltústik jáne ońtústik aımaqtarda tuman túsedi. Oralda kúndiz naızaǵaı, túnde jáne tańerteń tuman saqtalady.

Atyraý oblysynda soltústik, ońtústik jáne shyǵysta tuman bolady. Atyraýda túnde jáne tańerteń tuman saqtalady.

Mańǵystaý oblysynda kúnniń ekinshi jartysynda batys aýdandarda jańbyr jaýyp, naızaǵaı kútiledi.

Esterińizge sala keteıik, buǵan deıin «Qazgıdromet» RMQ sınoptıkteri Qazaqstan boıynsha 2026 jylǵy 4 sáýirge arnalǵan aýa raıynyń jalpy boljamyn jarııalady.