Astana men elimizdiń 15 oblysynda daýyldy eskertý jarııalandy

ASTANA. KAZINFORM – 1 aqpanda elimizdiń basym bóliginde burqasyn, kóktaıǵaq, tuman kútiledi, dep habarlaıdy «Qazgıdromet» RMK baspasóz qyzmeti.

Astanada tańerteń jáne kúndiz jaýyn-shashyn (qar, jańbyr), burqasyn bolyp, kóktaıǵaq kútiledi. Tańerteń jáne kúndiz ońtústik-batystan soǵatyn jeldiń ekpini 15-18 m/s.

Shymkentte túnde jáne tańerteń tuman túsedi.

Abaı oblysynyń shyǵysynda, ońtústiginde qar jaýyp, burqasyn bolady. Batysta, oblys ortalyǵynda túnde jáne tańerteń tuman túsedi. Soltústik-batystan soǵatyn jel ońtústik-shyǵysqa aýysyp, kúndiz oblys ortalyǵynda 15-20 m/s ekpinmen soǵady.

Aqtóbe oblysynyń soltústigi men ońtústiginde kóktaıǵaq, tuman kútiledi.

Aqmola oblysynyń batysynda, soltústiginde jáne ońtústiginde túnde qar jaýyp, burqasyn kútiledi. Kúndiz jaýyn-shashyn (qar, jańbyr), burqasyn jáne kóktaıǵaq bolady. Oblystyń batysynda, ońtústiginde jáne shyǵysynda tuman kútiledi. Ońtústik-batystan soǵatyn jel túnde batysta, soltústikte, ońtústikte, al kúndiz oblystyń soltústiginde, ońtústiginde, shyǵysynda ekpini 15-20 m/s jetedi.

Atyraý oblysynyń batysynda, soltústiginde jáne shyǵysynda tuman túsedi.

Shyǵys Qazaqstan oblysynyń soltústigi, shyǵysy men oblys ortalyǵynda qar jaýyp, burqasyn bolady. Túnde jáne tańerteń oblystyń ońtústiginde tuman túsedi.

Jambyl oblysynyń taýly aımaqtarynda qar jaýyp, kóktaıǵaq, burqasyn kútiledi. Oblystyń soltústiginde, ońtústiginde jáne taýly aımaqtarynda tuman túsedi. Oblystyń taýly aımaqtarynda soltústik-shyǵystan jel soǵady, kúshi 15-20 m/s.

Jetisý oblysynda qar jaýyp, burqasyn kútiledi. Soltústikte, shyǵysta, oblystyń taýly aımaqtarynda ótkinshi tuman túsip, kóktaıǵaq bolady. Oblystyń shyǵysynda soltústik-shyǵystan jel soǵady, ekpini 15-20 m/s.

Batys Qazaqstan oblysynyń soltústigi men shyǵysynda kóktaıǵaq bolady jáne tuman túsedi.

Túnde Qaraǵandy oblysynyń batysynda jáne soltústiginde azdaǵan qar jaýyp, burqasyn bolady. Oblystyń batysynda, soltústiginde jáne shyǵysynda ótkinshi tuman túsedi.

Qostanaı oblysynda qar jaýyp, burqasyn kútiledi, kúndiz oblystyń soltústiginde, shyǵysynda, ońtústiginde jaýyn-shashyn (jańbyr, qar), burqasyn, kóktaıǵaq bolady. Oblystyń batysy men ońtústiginde tuman túsedi. Ońtústik-batystan soǵatyn jeldiń kúshi oblystyń shyǵysy men ońtústiginde 15-20 m/s jetedi.

Qyzylorda oblysynyń soltústiginde, shyǵysynda jáne ortalyǵynda tuman kútiledi.

Pavlodar oblysynda kúndiz qar jaýady, oblystyń batysynda burqasyn bolady. Oblystyń batysynda ońtústik-batystan soǵatyn jeldiń ekpini 15-20 m/s.

Soltústik Qazaqstan oblysynda túnde qar, burqasyn, kúndiz jaýyn-shashyn (jańbyr, qar), burqasyn, kóktaıǵaq kútiledi. Oblystyń ońtústiginde tuman túsedi. Aımaqtyń batysynda, ońtústiginde jáne shyǵysynda ońtústik-batystan soǵatyn jeldiń ekpini 15-20, keıde 23 m/s deıin jetedi.

Túrkistan oblysynyń taýly aımaqtarynda túnde qar jaýady. Oblystyń batysynda, ońtústiginde, taýly jáne taý etegindegi aýdandarynda tuman túsedi.

Ulytaý oblysynyń soltústiginde, batysynda, oblys ortalyǵynda azdaǵan qar jaýady, kúndiz burqasyn bolady. Soltústikte, shyǵysta jáne oblys ortalyǵynda ótkinshi tuman túsedi.

Aıta keteıik, Soltústik Qazaqstan oblysynda sınoptıkter aqpan aıyna aýa raıy boljamyn jasady.

Aýa raıyna baılanysty Jambyl jáne Abaı oblystarynda jol jabyldy.

SQO-da bıyl qar bıiktigi de, ylǵal mólsheri de byltyrǵydan tómen.