«Astana» men «TsSKA-Rapıd» komandalary arasyndaǵy joldastyq kezdesý 2:0 esebimen aıaqtaldy
ALMATY. 21 qańtar. QazAqparat /Erlik Erjanuly/ - Búgin «Astana» fýtbol klýbynyń Túrkııadaǵy alǵashqy oqý-jattyǵý jıyny aıaqtalady.
Keshe olar Moldovanyń Kıshınev qalasynyń «TsSKA-Rapıd» komandasyn 2:0 esebimen tize búktirdi. Joǵarǵy lıgada óner kórsetetin kıshınevtikter qazir Moldova chempıonatynda 11-inshi orynda kele jatyr. Bul olardyń bıylǵy maýsymda qazaqstandyq aıaqdopshylarmen ótkizgen 4-inshi kezdesýi boldy. Buǵan deıin olar aldymen «Shahterge» (Qaraǵandy) 1:3, «Tarazǵa» 1:2 esebimen jeńilip, Jetisýdan» (Taldyqorǵan) 3:2 esebimen basym túsken edi.
Bul 7 qańtardan beri Antalııadaǵy oqý-jattyǵy jıynyny kezindegi Oleg Protasov jattyqtyratyn astanalyqtardyń ekinshi joldastyq kezdesý boldy. Olar 16-qańtarda ótken alǵashqy kezdesýde Ýkraınanyń Aleksandrııa qalasynyń «Aleksandrııa» komandasyna 2:3 esebimen utylǵan bolatyn
