Astana men Chelıabınsk arasynda áýe reısi ashylady

ASTANA. QazAqparat - Astana men Chelıabınsk arasynda áýe reısi ashylady, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

«Azamattyq avıatsııa komıteti halyqaralyq qatynasty odan ári jańǵyrtyp, ashý jónindegi jumys sheńberinde Reseı Federatsııasynyń avıatsııalyq bılik oryndarymen birlesip, Astana – Chelıabınsk baǵyty boıynsha turaqty tikeleı reısterdi ashý máselesin qarastyrdy.

Bul qolǵa alynǵan jumystyń nátıjesinde qazaqstandyq Qazaq Air áýe kompanııasy bıyl 13 aqpannan bastap De-Havilland Dash 8-Q400 ushaǵymen aptasyna jıiligi 3 reıspen jalǵasatyn Astana – Chelıabınsk marshrýtymen turaqty jolaýshylar reısterin iske asyrýdy josparlap otyr», - dep jazdy vedomstvodan.

Aıta keteıik, keshe Astana men Beıjiń arasynda tikeleı áýe reısteri qaıta ashylǵanyn habarlaǵanbyz.