Astana men Chelıabi arasynda jańa poıyz jolǵa shyǵady

ASTANA. QazAqparat - Kópshiliktiń suranysyn qanaǵattandyrý maqsatynda 2016 jyldyń 3-shi shildesinen bastap jańa «Astana-Chelıabi» poıyzy jolǵa shyǵady, «Jolaýshylar tasysmaly» AQ baspasóz qyzmeti.

«Bul baǵyt   Reseı temir joly kompanııasymen birlesip  jolaýshylardyń Chelıabiden   №145/146  «Chelıabi-Máskeý-Sankt-Peterbor» poıyzyna aýysyp minýi úshin yńǵaıly jasalǵan. Endi elimizdiń Rýdnyı, Kostanaı jáne baska eldi mekenderdiń turǵyndary úshin Reseı qalalaryna tez jetetin tamasha múmkindik týyp otyr», -  delingen habarlamada.

Poıyz Atbasar, Esil, Qusmuryn, Tobyl, Kostanaı jáne Troıtsk stansalary arqyly júredi.   Astanadan 16 saǵat 00 mınýtta, al Chelıabiden 10 saǵat 56 mınýtta attanady. Chelıabige deıin júretin ýaqyty - 19 saǵat 26 mınýt, keri qaraı -20 saǵat 20 mınýt .

Poıyz   Astana qalasynan 2016 jyldyń  2-shi shildesinen bastap, al Chelıabiden  3  shildeden bastap kúnara qaatynaıtyn bolady.