«Astana» men «Chelsı» oıyny keıinge shegerile me – klýb basshylyǵy jaýap berdi

ALMATY. KAZINFORM - 12 jeltoqsan kúni saǵat 20:30-da Almaty qalasynyń Ortalyq stadıonynda UEFA Konferentsııa lıgasy aıasynda «Astana» men «Chelsı» komandalary arasynda fýtbol oıyny ótedi. Alaıda jelide atalǵan match bolmaýy múmkin degen qaýeset tarady. 

Naqtyraq aıtar bolsaq, kezdesýdi keıingi qaldyrýdyń negizgi sebebi retinde Ulybrıtanııadaǵy Darra daýyly aıtylǵan. 

Degenmen «Astana» fýtbol klýbynyń baspasóz qyzmeti bul aqparatty joqqa shyǵardy.

Elordalyq klýbtyń málimetinshe, qazirgi ýaqytta Almatydaǵy Ortalyq stadıonda oıynǵa daıyndyq qyzý júrip jatyr. Al «Chelsı» fýtbolshylary aldaǵy túni Almatyǵa ushyp keledi dep josparlanǵan. 

Eske salaıyq, buǵan deıin «Astana» men «Chelsı» oıyny aldynda Ortalyq stadıonǵa tegin avtobýstar júretinin habarlaǵan bolatynbyz.