Astana men Býrabaı arasynda jol ashyldy
ASTANA. 16 qańtar. QazAqparat - Aqmola oblysy aýmaǵyndaǵy joldar ashyldy. Bul týraly «Qazaqavtojol» RMK baspasóz qyzmetinen habarlandy.
Boranǵa baılanysty búgin tańerteń «Ekaterınbýrg-Almaty» jolynyń 1114-1247 shaqyrymyndaǵy Jaltyr-Astana aralyǵy jáne «Astana-Petropavl» jolynyń 18-231 shaqyrymyndaǵy Astana men Şýchınsk arylyǵy jabylǵan bolatyn. Búgin saǵat 19:00-den bastap bul joldar ashyldy.
Al «Ekaterınbýrg-Almaty» jolynyń 1278-1353 shaqyrymyndaǵy Astana men Arshaly aralyǵy jabyq tur.
Budan bólek, búgin keshqurym Qostanaı oblysy aýmaǵyndaǵy «Jezqazǵan-Petropavl» jolynyń 252-340 shaqyrymyndaǵy Qaraǵandy oblysy shekarasy men Arqalyq qalasy aralyǵynda qozǵalys shekteldi.
