Astana men Býdapesht arasyndaǵy tike avıa qatynasyn ashý talqylandy
ASTANA. QazAqparat - 24 qarashada Býdapesht qalasynda Qazaqstan men Majarstan avıatsııalyq ókimeti arasynda ózara túsinýshilik týraly memorandýmǵa qol qoıyldy. Qazaqstan delegatsııasyn QR Investıtsııalar jáne damý vıtse-mınıstri Berik Qamalıev basqardy, dep habarlaıdy mınıstrliktiń baspasóz qyzmeti.
Kelissózder barysynda qazaq delegatsııasy Majarstan Ulttyq damý mınıstrliginiń Memlekettik hatshysy Laslo Tasho men «Wizz Air» majar avıakompanııasynyń prezıdenti Iojef Varadımen eki eldiń arasynda tikeleı avıa qatynastardy ashý múmkindigi, sondaı-aq azamattyq avıatsııa salasyndaǵy quqyqtyq qordy jańartý máseleleri talqylandy.
Qol jetken ýaǵdalastyqtarǵa sáıkes Astana men Býdapesht arasyndaǵy tikeleı avıa qatynastardy eki eldiń belgilengen tasymaldaýshylary arqyly oryndaýǵa múmkindik beredi.
Kelissózderdi ótkizý jáne atalmysh memorandýmǵa qol qoıý Memleket basshysynyń Astanany qarajattyq ortalyǵyna aınaldyrý, onyń ishinde «EKSPO 2017» qarsańynda astanany kóliktik qoljetimdilikpen qamtamasyz etý boıynsha bergen tapsyrmalardy júzege asyrýyna baǵyttalǵan.
