Astana men Býdapesht arasyna qatynaıtyn jańa áýe baılanysy iske qosyldy
«AIRBUS» áýe kompanııasynyń A320 áýe kemesi aptasyna eki ret, beısenbi jáne jeksenbi kúni áýe reısin oryndaıdy. Alǵashqy reıspen Venger Respýblıkasynyń ulttyq ekonomıka mınıstri Mıhaı Varga bastaǵan delegatsııa ushyp keledi.
Mamandandyrylǵan halyqaralyq EKSPO-2017 kórmesi qarsańynda ashylyp otyrǵan jańa baǵyt aıtýly oqıǵa bolyp otyr. Bul Qazaqstan men Vengrııa arasyndaǵy dıplomatııalyq jáne iskerlik qarym-qatynastardy, halyqaralyq yntymaqtastyqty nyǵaıtýǵa yqpal etetin bolady.
Ótken jyldyń 24 qarashasyndaǵy avıatsııalyq bıliktiń kelissózderiniń qorytyndysynda Astana - Býdapesht baǵyty boıynsha eki el úshin aptasyna 7 reıs jasaý quqyǵy beriledi.
«WizzAir» áýe kompanııasynyń aqparaty boıynsha, Astanadan Býdapeshtke deıingi eń tómengi bılet quny tek bir jaqqa tirkeý qyzmeti men júkti qosqanda 49-dan 130 eýroǵa deıingi somany quraıdy. Budan bólek, loýkostermen áýe tasymaly erejesi boıynsha basqa da qyzmetter úshin qosymsha aqy tóleý qarastyrylǵan (tirkeý, júk, tamaqtaný, oryndy tegin tańdaý jáne t.b.).
